2
« on: August 01, 2016, 09:04:12 PM »
ਸਰਕਾਰ ਅਤੇ ਪੰਜਾਬ ਬੋਰਡ ਦੀ ਚੇਅਰਪਰਸਨ ਧਾਲੀਵਾਲ ਨੂੰ ਨੋਟਿਸ ਜਾਰੀ
`
Monday, August 01, 2016
ਚੰਡੀਗੜ੍ਹ : ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਪੰਜਾਬ ਸਰਕਾਰ, ਪੰਜਾਬ ਦੇ ਸਿੱਖਿਆ ਵਿਭਾਗ ਅਤੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਚੇਅਰਪਰਸਨ ਤੇਜਿੰਦਰ ਕੌਰ ਧਾਲੀਵਾਲ ਨੂੰ ਗਰੇਸ ਮਾਰਕਸ ਦੇਣ ਦੇ ਮਾਮਲੇ ਸੰਬੰਧੀ ਨੋਟਿਸ ਜਾਰੀ ਕੀਤਾ ਹੈ। ਇਹ ਨੋਟਿਸ ਸੀਨੀਅਰ ਵਕੀਲ ਐੱਚ. ਸੀ. ਅਰੋੜਾ ਵਲੋਂ ਦਾਇਰ ਕੀਤੀ ਗਈ ਜਨਹਿਤ ਪਟੀਸ਼ਨ 'ਤੇ ਕਾਰਵਾਈ ਕਰਦਿਆਂ ਜਾਰੀ ਕੀਤਾ ਗਿਆ ਹੈ। ਐੱਸ ਚੀ. ਅਰੋੜਾ ਨੇ ਆਪਣੀ ਪਟੀਸ਼ਨ 'ਚ ਬੋਰਡ ਦੀ ਚੇਅਰ ਪਰਸਨ ਧਾਲੀਵਾਲ ਨੂੰ ਹਟਾਉਣ ਦੀ ਮੰਗ ਕੀਤੀ ਹੈ।
ਵਕੀਲ ਅਰੋੜਾ ਨੇ ਪਟੀਸ਼ਨ 'ਚ ਦੋਸ਼ ਲਾਇਆ ਕਿ ਬੋਰਡ ਦੀ ਚੇਅਰਪਰਸਨ ਨੇ ਆਪਣੇ ਹੱਕਾਂ ਦੀ ਦੁਰਵਰਤੋਂ ਕਰਦਿਆਂ ਵਿਦਿਆਰਥੀਆਂ ਨੂੰ ਗਰੇਸ ਮਾਰਕਸ ਦਿੱਤੇ ਹਨ ਅਤੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਦਿੱਤੇ ਗਏ ਗਰੇਸ ਮਾਰਕਸ ਦੇ ਚੱਲਦਿਆਂ ਹੋਰਨਾਂ ਵਿਦਿਆਰਥੀਆਂ ਦੇ ਹੱਕਾਂ 'ਤੇ ਡਾਕਾ ਵੱਜਿਆ ਹੈ। ਲਿਹਾਜਾ ਇਸ ਮਾਮਲੇ 'ਚ ਕਾਰਵਾਈ ਹੋਣੀ ਚਾਹੀਦੀ ਹੈ ਅਤੇ ਗਰੇਸ ਮਾਰਕਸ ਦਿੱਤੇ ਜਾਣ ਵਾਲੇ ਵਿਦਿਆਰਥੀਆਂ ਦੀ ਡੀਟੇਲ ਮਾਰਕਸ ਸ਼ੀਟ 'ਚ ਇਹ ਲਿਖਿਆ ਜਾਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨੂੰ ਕਿਹੜੇ-ਕਿਹੜੇ ਵਿਸ਼ਿਆਂ 'ਚ ਬੋਰਡ ਨੇ ਗਰੇਸ ਮਾਰਕਸ ਦਿੱਤੇ ਹਨ।
ਜ਼ਿਕਰਯੋਗ ਹੈ ਕਿ ਪੰਜਾਬ ਬੋਰਡ ਨੇ ਆਪਣੀ ਬੱਲੇ-ਬੱਲੇ ਕਰਾਉਣ ਲਈ ਇਕ ਤੋਂ ਜ਼ਿਆਦਾ ਵਿਸ਼ਿਆਂ 'ਚੋਂ ਫੇਲ ਹੋਏ ਬੱਚਿਆਂ ਨੂੰ 27 ਗਰੇਸ ਮਾਰਕਸ ਦੇ ਕੇ ਪਾਸ ਕਰ ਦਿੱਤਾ ਸੀ। ਇਸ ਤਰ੍ਹਾਂ ਜਿੱਥੇ 10ਵੀਂ ਦੀ ਪਾਸ ਫੀਸਦੀ 39.5 ਫੀਸਦੀ ਹੋਣੀ ਸੀ, ਉੱਥੇ ਹੇ ਗਰੇਸ ਮਾਰਕਸ ਕਾਰਨ ਇਹ ਵਧ ਕੇ 72.25 ਫੀਸਦੀ ਹੋ ਗਈ।
Show Posts
